శ్రీ పురాణపండ మల్లయ్యశాస్త్రి గారి చతుర భాషణలు - శ్రీమతి పంతుల ప్రేమసుధ

          శ్రీ పురాణపండ మల్లయ్యశాస్త్రి గారి చతుర భాషణలు

శ్రీమతి పంతుల  ప్రేమసుధ

శ్రీ పురాణపండ మల్లయ్యశాస్త్రి గారు భద్రయ్యశాస్త్రి గారి కుమారులు. మల్లయ్యశాస్త్రి గారు  పిఠాపురం సంస్థానంలో ఆస్థాన పండితులుగా పని చేశారు. వారికి ముగ్గురు కుమారులు, ఒక కుమార్తె . ఇక నేను, వారి మూడవ కుమారుడైన నరసింహారావుగారి పుత్రికను. నా పేరు పంతుల ప్రేమసుధ. నేను ఆ విధంగా మల్లయ్యశాస్త్రి గారికి మనుమరాలను.

ఇక మా తాత గారు ఎంతో హాస్యచతురులు . వారి హాస్యచతురత అందరిని అబ్బురపరిచేది.

ఆయన పిఠాపురం ఆస్థానంలో ఉన్నప్పుడు రాజావారి కోరికపై బ్రహ్మసుత్రాలను తెనుగులోనికి అనువదించారు. ఇక వారి మేనల్లుడైన శ్రీ చిలకమర్తి లక్ష్మీనరసింహం గారు రచించిన కొన్ని గ్రంథాల పీఠికల్లో వారి హాస్యచతురత గురించి కొన్ని విషయాలు పొందుపరచడం జరిగింది. మా నాన్న గారు కూడ అప్పుడప్పుడు వారి హాస్యరసపూరితమైన ఛలోక్తులు చెపుతూ ఉండేవారు. నాకు గుర్తున్న కొన్ని విషయాలు మీకు తెలియ జేస్తాను.

ఆయన ఒకసారి ఎక్కడికో నడిచి వెడుతుంటే పల్లకిలో పోతూ ఎదురైన ఒకాయన పంతులు గారూ! ఈ రోడ్దు చిత్రాడ పోతుందా అనడిగారట. ఇది ఎక్కడికీ పోదు, నా చిన్నప్పటి నుంచి ఇక్కడే ఉందన్నారట. ఆ మాటలకు పల్లకి మోసే బోయీలందరు పగలబడి నవ్వు కున్నారట.

ఒకరోజు ఒకాయన ఇంటికొచ్చి అయ్యా ! నాదీ, మా అబ్బాయిదీ ఒకే నక్షత్రం ఏదైనా దోషం ఉంటే చెప్పండి అని అడిగాడట. దానికి సమాధానంగా ఆయన నాది మా అబ్బాయిది కూడ ఒకే నక్షత్రం ఇద్దరు గుండ్రాళ్ళల్లా ఉన్నాం అన్నారట. వెంటనే వారి పెద్దబ్బాయిని పిలిచి చూపించారట. ఇక ఆయన వెళ్లిపోబోతుంటే ఆయన్ని ఒక్క క్షణం ఆపి వాళ్ళ అబ్బాయిని   అద్దం తెమ్మని అడిగారట . ఆయాన తెచ్చారు.  ఆ తరువాత అతనితో ఇప్పుడు మీరు వెళ్ళవచ్చు అన్నారట. ఆయన ఆశ్చర్యంతో అయ్యా! నన్నెందుకు ఆగమన్నారు? అని అడిగినప్పుడు ఏమీ లేదండి! మీరు బుర్రలు తీసి బుర్రలు పెడుతూ ఉంటారని ఊళ్లో అందరు అనుకుంటుంటే చాలసార్లు విన్నాను. అందుకే ఎందుకైనా మంచిదని అద్దం తెప్పించుకుని నా బుర్ర చూసుకుంటున్నాను. బుర్ర నాదే, మార లేదు, ఇక   మీరు వెళ్ళవచ్చు అన్నారు. ఆ వచ్చిన వ్యక్తి  ఆయన చమత్కారానికి మెచ్చుకుని లోలోపలే ఆనందిస్తూ వెళ్లి పోయారట.

ఒకసారి పిఠాపురం రాజావారు శాస్త్రిగారిని ఆస్థానానికి రమ్మని కబురు చేసి   గుఱ్ఱంబగ్గీ కూడ పంపించారు . శాస్త్రి గారు బగ్గీ ఎక్కి వెళ్ళడానికిష్టపడక దాన్ని వెనక్కి పంపించేసి కాలినడకనే ఆస్థానానికి వెళ్ళేరు. కొంచెం ఆలస్యమైంది. రాజుగారు ఆయనతో శాస్త్రి గారూ!  మీరు  ఎలా వచ్చారు అని అడిగినప్పుడు ,    వీరంతా బండెక్కి వస్తే, నేను ఎండెక్కి  వచ్చానని చమత్కరించారు. ఆ సమాధానం విని రాజావారితో సహా మిగిలిన వారంతా ఆనందంగా నవ్వుకున్నారట.

ఒకసారి శాస్త్రిగారి అక్క భోజనానికి పిలుస్తూ భోజనానికి సమయం అయిందా అని అడిగినప్పుడు నా సమయం పది , నీ సమయం  పదకొండు, అది  అంత తొందరగా అవదు గాని నాకు ముందు భోజనం వడ్డించు అనేవారట.

శాస్త్రి గారి అక్కగారికి ఒక ఎకరం పొలం ఉండేది. అయితే అవతల మరొక వ్యక్తికి ఆ పొలాన్ని ఆనుకుని మరి కొంత పొలం ఉండేది  . ఒక సారి ఆ వ్యక్తి ఆ పోలాన్ని తనకు వ్రాసి ఇమ్మని ఆయనడిగాడట. దానికి సమాధానంగా శాస్తి గారు అది స్త్రీధనం ఆ పొలం గురించి  ఏమీ అడగొద్దు  అన్నారట.     

శాస్త్రిగారు ఆ ఊరిలో అందరికీ తెలిసిన వారు కావడం చేత ఒక సారి ఎవరో వారి అక్కగారిని భోజనానికి పిలిచి భోజనం తరువాత ఒక కాగితం మీద ఆవిడ వ్రేలి ముద్రలు తీసుకుని పంపించేశారు. ఆవిడకు చదువు రాకపోవడం వల్ల అడిగిన చోట వ్రేలిముద్రలు వేసేసింది. ఆవిషయం ఇంటికొచ్చి చెప్పింది. శాస్త్రి గారికి విషయం అంతా అర్థమైoది. అక్కా ! నువ్వు బాధపడకు. నీకు ఒక ముసుగు భగవంతుడు వేస్తె,  వీళ్ళు రెండో ముసుగు వేశారు . నేను బ్రతికున్నంత కాలం నిన్ను పోషిస్తాను. నీకు ఏ లోటు రానివ్వను, జరిగిందానికి విచారించకు   అని ఓదార్చారు. అలాగే ఆమెను జీవితాంతం ఆదుకున్నారు. ఈ విధంగా శాస్త్రిగారి మాటలు ఎంతో చమత్కారభరితంగా ఉండేవి. శత్రువు కూడ నొచ్చుకోకుండా మెచ్చుకునే విధంగా ఉండేవి. ఈ కాలంలో వారు సజీవంగా మన మధ్య లేకపోయినా వారు రచించిన  బ్రహ్మసూత్రభాష్య అనువాదం అజరామరంగా ఉంటుందనడంలో ఎటువంటి సందేహం లేదు.   నాకు జ్ఞాపకమున్న కొన్నిటినే ఇందులో వివరించ గలిగాను.  అటువంటి సున్నితమైన హాస్యం ఈ రోజుల్లో  కరువౌతోంది.

             <><><>

शिवाय विष्णुरूपाय शिवरूपाय विष्णवे Dr. Ch. DurgaPrasada Rao

 

शिवाय विष्णुरूपाय शिवरूपाय विष्णवे

శివాయ విష్ణురూపాయ శివరూపాయ విష్ణవే

Dr. Ch. DurgaPrasada Rao

If you meditate one, they bless together.

Have the benefit of two by getting one.

Let Siva and Vishnu bless you all together.

 

गवीशपत्र: नगजर्तिहारी कुमारतात: शशिखण्डमौलि:

लंकेशसंपूजितपादपद्म: पायादनादि: परमेश्वरो व:

 

గవీశపత్ర: నగజార్తిహారీ కుమారతాత:  శశిఖండమౌళి:

లంకేశసంపూజితపాదపద్మ: పాయాదనాది: పరమేశ్వరో వ:   

 

1.     गवीशपत्र: गवीश: = वृष: वाहन: यस्य स: (शिव;) = గవీశ: అంటే నంది పత్ర: వాహనంగా గలవాడు శివుడు.  

(ग)वीश:= गरुडो पत्र: वाहनं यस्य स: (विष्णु:) మొదటి అక్షరం తొలగించండి . వీశపత్ర: వి అంటే పక్షి ఈశ: అంటే రాజు, గరుత్మంతుడు వాహనంగా గలవాడు, విష్ణువు    

2.     नगजर्तिहारी నగజ+ ఆర్తిహారీ= పార్వతి డు:ఖాన్ని పోగిట్టిన వాడు  శివుడు

(न) गजर्तिहारी మొదటి అక్షరం తొలగించండి . గజార్తిహారీ = గజేంద్రుని దు:ఖాన్ని తొలగించిన వాడు,  విష్ణువు

3.     कुमारतात: కుమారస్వామికి తండ్రి, శివుడు

(कु)मारतात:= మొదటి అక్షరం తొలగించండి . మారతాత: అంటే మన్మథునికి తండ్రి, విష్ణువు

4.     शशिखण्डमौलि: శశి అంటే చంద్రుడు, అతని ఖండాన్ని అంటే నెల వంకను తలపై ధరించినవాడు, శివుడు   

(श)शिखण्डमौलि: మొదటి అక్షరం తొలగించండి. శిఖండం అంటే పింఛం . అది తలపై ధరించిన వాడు. విష్ణువు    

5.     लंकेशसंपूजितपादपद्म: లంకేశ అంటే రావణుని చేత, సంపూజిత = పూజింపబడిన,   పాదపద్మ: = పాదపద్మములు కలవాడు, శివుడు.

(लं)केशसंपूजितपादपद्म: మొదటి అక్షరం తొలగించండి. క అంటే బ్రహ్మ , ఈశ అంటే ఈశ్వరుడు వారిద్దరిచే సంపూజిత = పూజిం పబడిన, పాదపద్మ: పద్మముల వంటి పాదాలు గలవాడు,  విష్ణువు.   

6.     अनादि: = न विद्यते आदि: यस्य स:= ఆది లేనివాడు శివుడు.  

(अ)नादि:= आद्यक्षरशून्य: = మొదటి అక్షరము లేనివాడు మొదటి అక్షరం తొలిస్తే వచ్చేవాడు.

7.     परमेश्वरो = పరమేశ్వరుడు (శివుడు )

8.     (प)रमेश्वरो మొదటి అక్షరం తొలగించండి. రమేశ్వర: రామాయా: ఈశ్వర: లచ్చిమగడు, విష్ణువు.    

9.व:= మీ అందరిని

10. पायात् =రక్షించుగాక

భావం :- నంది  వాహనంగా గలవాడు, పార్వతి డు:ఖాన్ని పోగిట్టిన వాడు, కుమారస్వామికి తండ్రి, నెలవంకను తలపై ధరించినవాడు, రావణుని చేత  పూజింపబడిన పాదపద్మములు కలవాడు, ఆది లేనివాడు నగు శివుడు మీ అందరిని రక్షించు గాక ఇది  శివ పరమైన అర్థం.   

భావం :-  గరుత్మంతుడు వాహనంగా గలవాడు, గజేంద్రుని దు:ఖాన్ని తొలగించిన వాడు, మన్మథుని తండ్రి, పింఛం తలపై ధరించిన వాడు, బ్రహ్మ ,  ఈశ్వరుడు వారిద్దరిచే  పూజింపబడిన పద్మముల వంటి పాదాలు గలవాడు నగు లచ్చిమగడు, విష్ణువు మీ అందరిని రక్షించు గాక ఇది  విష్ణుపరమైన అర్థ్హం.

<><><> 

 

The ethics and morality of Hinduism Dr. Ch. DurgaprasadaRao

 

The ethics and morality of Hinduism

 

Dr. Ch. DurgaprasadaRao

 

Hinduism, as many people opine, is not a religion.  It’s a way of life and the literature of which consisting of

   1. Shrities (Vedas), 2. Smritis 3. Itihasa 4. Purana 5. Agama 6. Darshanas  7. Kavyas 8. Folk lore.

It is very surprising to note that there is an underlining unity in divergent trends of literature. Hinduism is a very comprehensive system of human life which paves the way from humanity to divinity.  Generally, many people are of the opinion that Hinduism gives utmost importance only to Moksha and the study of the Vedas and other scriptures of Hinduism also of no use as they deal with the metaphysical objects which are not useful in day-to-day life.  Secondly, the ideas dealt with the Vedas and the Upanishads are of highly esoteric in nature and they are very difficult to comprehend.  But this opinion is entirely wrong. They no doubt deal with abstract and supra-mundane objects but never ignored worldly objects. Moreover, they established a firm ground on which the evolutionary process from humanity to divinity takes place.

No sastra or system developed in this land whether physical or metaphysical neglects the human needs and aspirations totally and deals exclusively with spiritual objects. Vedas and Upanishads as part of Hinduism ordain certain duties and prohibitions for the benefit of Man kind as a guide to good conduct at the individual and societal levels. Following the foot steps of the Vedas and the Upanishads, Smritis, . Itihasas, Puranas, Agamas and   even Darshana’s convey high morals and supreme self restraint for the purpose of achieving the highest human goal. They never ignored the very fundamental elements of human life.

                 ***********

We can increase or expand the syllabus by supplementing the ethical and moral aspects of Hinduism.

The topics to be introduced are as follows.

 

1.        The ethics and morality of Hinduism as a special reference to the Vedas.

2.        The ethics and morality of Hinduism as a special reference to   the Upanishads.

3.        The ethics and morality of   Hinduism as a special reference to Puranas

4.        The ethics and morality of Hinduism as a special references to Itihasas .

5.         The ethics and morality of Hinduism as a special reference to Dharmasastras .

6.         The ethics and morality of Hinduism as a special reference to Agamas.

7.         The ethics and morality of Hinduism as a special reference to darsanas .

The topics mentioned above not only enrich the scope of the syllabus but also create interest in the pursuing them. 

  

అనుభవాలు – జ్ఞాపకాలు- 4 డాక్టర్ . చిలకమర్తి దుర్గాప్రసాద రావు.

 

అనుభవాలు – జ్ఞాపకాలు-4

డాక్టర్ . చిలకమర్తి దుర్గాప్రసాద రావు.

ఇది సుమారు  పుష్కరకాలం క్రితం నాటి అనుభవం . నాకు చిన్నప్పటి నుంచి కాశ్మీరు చూడాలనే కోరిక ఉండేది. బహుశ కుమారసంభవంలో కాళిదాస మహాకవి  చేసిన హిమాలయ వర్ణన కారణం ఐయుండవచ్చు.  కానీ    చూస్తాననే ఊహ గాని,   చూడగలననే నమ్మకం గాని  నాకు ఎప్పుడు లేవు. నేను All India Oriental Conference(A.I.O.C)కి సభ్యుణ్ణి . రెండేళ్ల కొకసారి భారతదేశంలో కొన్ని కొన్ని చోట్ల సమావేశాలు  జరుగుతూ ఉంటాయి. అంతకు ముందే ఎన్నో ప్రదేశాల్లో నేను  సభల్లో పాల్గొన్నాను.  2012 లో కాబోలు ఆ సభలు శ్రీనగర్ లో జరుగుతాయని ముందుగానే తెలిసింది. నేను The views of kalidasa on Education అనే అంశంపై ఒక పరిశోధన వ్యాసం వ్రాశాను . నా అదృష్టవశాత్తు అది select అయ్యింది . నేనెప్పుడైతే ఈ విషయం చెప్పేనో  మా కుటుంబ సభ్యులందరూ తాము కూడ వస్తామన్నారు. అందరు బయలుదేరి ముందుగా జమ్మూ చేరుకొని ఆ తరువాత శ్రీనగర్ చేరాం. కాశ్మీరును  ఏమని వర్ణించగలం! ఒక్కమాటలో చెప్పాలంటే అది భూతలస్వర్గం. దాని శిరోభూషణం శ్రీనగర్ . అది భారత దేశానికే శిరోభూషణం. నిజంగా శ్రీలకు నిలయం, అంటే సకల సంపదలకు నిలయ మన్న మాట. ఇక శ్రీ నగర్ విశ్వవిద్యాలయంలో కాన్ఫరెన్సు మొదలైంది . సమావేశాలు జరుగుతున్నప్పుడు కాక  తీరిక సమయాల్లో  చాల ప్రదేశాలు చూడడం జరిగింది. అక్కడ పుణ్య స్థలాల్లో మోసాలు జరిగేవి కావు . నేనొకవ్యక్తిని అడిగితే “ అయ్యా! ఇక్కడ దొంగతనాలు మోసాలు ఉండవండి. కావాలంటే పది రూపాయలు ఎక్కువ అడిగి తీసుకుంటారు, దానికి తగ్గట్టుగా మీకు సేవలు అందిస్తారు” అన్నాడు . ఒకవేళ మేము ప్రయాణీకులను మోసం చేస్తే మాకు ప్రభుత్వం విధించే జరిమానాలు,  శిక్షలు చాల  తీవ్రంగా ఉంటాయండి అన్నాడు.

ఇక చిన్నప్పుడు Dal lake is the most beautiful among the lakes in Kashmir అని పదే పదే చదువుకోవడం వలన అందులో ఉండాలనే తలంపు కూడ కలిగింది. Dal lake లో సుమారు రెండు రోజులున్నాము. అక్కడ    వాళ్ళు అందించిన సౌకర్యాలు, సదుపాయాలూ అద్భుతంగా ఉన్నాయి.    ఆ నౌకల్లోనే (పడవల్లోనే) పెద్ద పెద్ద  భవనాల్లో లాగానే అన్ని సౌకర్యాలు ఉంటాయి. Dal lake లోనే చాల దుకాణాలు ఉంటాయి. పడవల్లో వెళ్లి కావలసినవి కొనుక్కోవచ్చు . ఒకరోజు ఉదయం గదుల్లోంచి ప్రభాతపుటెండ కోసం బయటికి వచ్చాము . ఇంకా చాల మంది అక్కడున్నారు. ఆ పడవ యజమాని, నేను  ఏవో మాట్లాడుకుంటున్నాం. మాటల మధ్యలో ఎలా ఉన్నాయండీ మా arrangements అన్నారాయన .  చాల బాగున్నాయండి అన్నాను నేను. ఎలా ఉంది కాశ్మీరు అన్నారాయన . చాల బాగుందండీ excellent అన్నాను. ఆ తరువాత నన్ను provoke చెయ్యడానికో ఏమో తెలియదు గాని paradise అనే మాట అతని నోటినుండి వచ్చింది. నేను paradise of India అన్నాను అప్రయత్నంగా No, Pakistan అన్నాడు . నేను గతుక్కుమన్నాను . ఆ ప్రక్కనున్న మరొక పడవ యజమాని నా వాలకం కనిపెట్టాడో ఏమో తెలియదు గాని కొంత నయం, మేం స్వతంత్రులమండి , మా కెవరితోను సంబంధం లేదు అన్నాడు, నన్ను సమాధాన పరచడానికా అన్నట్లుగా . అంతే! నాకు గాలి తీసేసినంత పనైంది. ప్రక్కనే ఉండి అంతా వింటున్న మా అబ్బాయి ఏమీ మాట్లాడకు నాన్నా! అని నన్ను సమాధాన పరిచాడు . మా ఆనందమంతా ఐదు సెకన్లలో మటుమాయమైoది. ఇంతకూ ఇది ఇప్పటి మాట కాదు సుమండీ .  ఎప్పుడో పుష్కర కాలం పైమాటి  మాట. నేను మరల ఎప్పుడు అక్కడకు వెళ్ళలేదు గాని ఆనాటి పరిస్థితులు ఇప్పుడు లేక పోవడం అన్ని రాష్ట్రాలతో పాటు సర్వాంగ సుందరంగా అభివృద్ధి చెందుతూ  ఉండడం చాల ముదావహం.  

అనుభవాలు – జ్ఞాపకాలు-3 డాక్టర్ . చిలకమర్తి దుర్గాప్రసాదరావు

 

అనుభవాలు – జ్ఞాపకాలు-3

డాక్టర్ . చిలకమర్తి దుర్గాప్రసాదరావు

                      నాకెందుకో ఇద్దరు వ్యక్తుల్ని తలుచుకుంటే మనస్సులో చాల అసూయ కలుగుతుంది. ఒకరు శ్రీ అబ్దుల్ కలాం గారు, రెండోవారు రతన్ టాటా గారు . ఏమి జీవితం!  ఎంత త్యాగనిరతి!  ఎటువంటి దేశభక్తి! ఎంతటి నిష్కళంకవ్యక్తిత్వం వీరిద్దరిదీ!  ఇద్దరూ భారతమాత ముద్దుబిడ్డలే, ధన్యజీవులే. భర్తృహరి ఒక మాట అంటాడు.

స జాతో యేన జాతేన యాతి వంశ: సమున్నతిం

పరివర్తిని సంసారే మృత: కో వా న జాయతే ?   

     ఎవని పుట్టుకచేత వంశమంతా పావనమౌతుందో అతని పుట్టుకే సార్థకం, అదే నిజమైన పుట్టుక. పుట్టలోని చెదలు పుట్టవా! గిట్టవా! అన్నట్లుగా ఎంతమంది పుట్టడం లేదు, ఎంతమంది చావడం లేదు, ఎంతమంది పెక్కుమార్లు చస్తూ పుడుతూ ఉండడం లేదు!

 ప్రస్తుతం నేనిచ్చిన క్రమంలో ద్వితీయుడైనా ఆర్థికంగా దేశానికి పరిపుష్టిని; దానధర్మాది సేవలద్వారా తుష్టిని చేకూరుస్తూ దేశప్రగతికి తోడ్పడిన అద్వితీయుడు  శ్రీ  రతన్ టాటా గారు. వారి గురించి ప్రస్తావిస్తాను.

నేనెప్పుడు విశాఖపట్టణం వెళ్ళినా కొంతమంది గురువులు,  మిత్రులు కనిపిస్తారనే ఆశతో నేను చదువుకున్న ఆంధ్రవిశ్వవిద్యాలయ సంస్కృత విభాగానికి వెళ్ళడం పరిపాటి . సుమారు  రెండు మూడేళ్లకు పూర్వం (తేదీ సరిగా గుర్తు లేదు ) విశాఖ వెళ్ళినప్పుడు అనుకోకుండా సంస్కృత విభాగానికెళ్ళాను. వెళ్ళాక తెలిసింది ఆ రోజు పుర్వవిద్యార్థుల సమావేశ శుభదినమని. ఆచా ర్య K. గాయత్రీదేవి గారు నన్ను కూడ లోపలికి రమ్మని పిలిచారు. కార్యక్రమంలో నేను కూడ పాల్గొన్నాను. సాయంకాలం విద్యార్థులను address చెయ్యడానికి శ్రీ రతన్ టాటా వస్తున్నారని చెప్పారు.  నా ఆనందానికి అవధులు లేవు . ఎందుకంటే నా లాంటి వాడికి అటువంటి వ్యక్తిని చూడడమే కష్టసాధ్యం. ఇక  ఆయనే స్వయంగా వస్తున్నారంటే        

 ఎంత అదృష్టం! ఆయన రావడానికి ఒక గంట ముందే అక్కడికెళ్ళి కూర్చున్నా. సాయంకాలం సమయానికి ముందే ఆయనొచ్చారు. సమారు ముప్పై ఐదు, నలభై  నిముషాల పాటు  అద్భుతంగా ప్రసంగించారు. సభ వేలాది మందితో కిక్కిరిసి ఉంది. ప్రతి విద్యార్థి  కదలకుండా వారి సందేశం విన్నారు. వారు నా బోటివానికి కూడ సులభంగా అర్థమయ్యే Simple English లో ప్రసంగించారు. మనం పురాణాల్లో దధీచి , కర్ణుడు మొదలైన వారిని గురించి వింటాం .     

   శ్రీ రతన్ టాటా గారి దయ దాతృత్వం గమనిస్తే అవన్నీ నిజమే అనిపిస్తాయి. ఆయన దేశ ప్రజలకు చేసిన సేవలు అందరికీ పరిచితాలే . ఇక నాకున్న  సాంకేతిక జ్ఞానం చాల స్వల్పం కావడం వల్ల దూరం నుంచి  వారి ఫొటోలు కొన్ని   తీసుకో గలిగానే, గాని వారి సందేశం రికార్డు చేసుకోలేకపోయాను. నిజంగా ఆయన ధన్యజీవి. ఆయన మనదేశంలో పుట్టినందుకు మనమందరం ధన్యులం.

వారి మరణ వార్త విని నేను ఇవన్నీ గుర్తుకు తెచ్చుకున్నాను . ఇవన్నీ మీకు పంచే నా  ప్రయత్నమే ఇది

                  <><><>