హాస్యకణికలు

హాస్యకణికలు
(అమాయక కస్టమర్లు )

డా|| చిలకమర్తి దుర్గాప్రసాదరావు

1.    కస్టమర్: సార్! నిన్న మీ షాపులో కొన్న తొక్కుడు లడ్డూల్లో ఇసుక వచ్చింది  అందుకే ఫోను చేస్తున్నాను .

షాపు ఓనరు : సారీ సార్ ! రోజు వచ్చే మనిషి రాలేదని నిన్న కొత్తవాణ్ణి పనిలో పెట్టా౦. బహుశా వాడు కాళ్లు కడుక్కోకు౦డా తొక్కి ఉంటాడు . . మరోసారి  అలా జరగదు లెండి.   ఈ సారికి క్షమించండి.

కస్టమర్: ఓ అలాగా ! ఐతే పరవాలేదు .

2.    కస్టమర్: (హోటల్ మేనేజర్ తో)  ఇడ్లీలో గుడ్డ పీలిక వచ్చింది.

హోటల్ మేనేజర్: అలా అనవసరంగా మామీద నింద వేయకండి . మాది చాల పరువు ప్రతిష్ఠలున్న హోటలు. పరువునష్టం దావా వెయ్యవలసి వస్తుంది , జాగ్రత్త.

 కస్టమర్: నిందవేయడమే0టండీ, స్పష్టంగా కనిపిస్తు౦టేను.  

 హోటల్ మేనేజర్: రెండు కళ్ళు దగ్గర పెట్టుకుని సరిగా స్పష్టంగా చూడండి. అది గుడ్డ పీలిక కాదు .  బహుశా బల్లితోక అయుంటుంది . బల్లులు మా హోటల్లో ఎక్కువగా తిరుగుతూ ఉంటాయి. గదిలో వేడికి తట్టుకోలేక అప్పుడప్పుడు  తోకలు విడుస్తూ  ఉంటాయి . అది పడు౦టు౦ది. మీరు దీనికి౦త రాద్ధాంతం చెయ్యకండి .

కస్టమర్: సారీ సార్ ! ఏమనుకోకండి . అది నాకు గుడ్డ పీలికలా కనిపిస్తే అలా అన్నాను .

3. కస్టమర్ :-  వాచీలు ఇంత చవగ్గా అమ్మేస్తున్నారు మీకు ఎలా కిట్టుబాటవుతు౦ది ?

షాపు యజమాని :--- ఓహో అదా ! మిగిలిన డబ్బు రిపేర్ కి వచ్చేటప్పు రాబట్టేస్తాము లెండి .

కస్టమర :-- ఒహో అలాగా .

4. కస్టమర్:- ఏ౦టయ్యా ! మీ షాపులో   రేట్లు  బాగా పెంచేస్తున్నారు ?

యజమాని:- తూకం తగ్గిస్తున్నాం కదండీ . ఎ౦దు కంత గొడవ చేస్తున్నారు ?

కస్టమర్ :-- సారీ ! ఆవిషయం నేను గమనించలేక పోయాను .

                                                    ***

5. టీచర్: -  ప్రపంచంలో నిజమైన బద్ధకస్తుడు ఎవరు ?

విద్యార్థి ;-- కళ్లజోడుకి వైపర్లు కావాలనుకునే వాడు .   

                                                           ***