చిలకమర్తి వారి శివస్తుతి రచన :- చిలకమర్తి వెంకట సూర్యనారాయణ

 

చిలకమర్తి వారి శివస్తుతి

రచన :- చిలకమర్తి వెంకట సూర్యనారాయణ

కైలాశవాస! ఈశ! శరణు గౌరి ప్రాణేశ!

కరుణించి నన్ను బ్రోవుమయ్య కాశివిశ్వేశ! ||కై  ||

ఎంత వేడుకున్న గాని ఇటుల గాంచవు  సంతసించి పంతముడిగి సాకగ రావు||కై||

మకరి కోరలందు చిక్కి

మరి మరి కరి మొరలిడగన్

సరగున దరిచేరి బ్రోచె

మున్ను శౌరి మురియుచున్||కై||

కాలుని పాశంబు గాంచి

కలవరపడి  కావుమనుచు

నిన్ను వేగ కౌగలించు

మౌని సుతునకభయమొసగి

 మరల జన్మ ముడిపియున్ చిరంజీవు గావించిన శేషభూషణ ||కై||

నీదు కనులరుధిరమరసి నిశ్చేష్టితుడై

తన నేత్రయుగము నర్పించిన దాసకన్నప్పన్ మెచ్చి మెచ్చి మోక్షమిచ్చు మేటి ముక్కంటి దేవర||కై||

కలియుగ మానవులకు కైవల్యమీయగన్ కల్పతరువై వెలసితివా కాశికాపురిన్ ||కై||

మరణమొందు వరకు నిన్ను మరువకుండగన్ వరమొక్కటే దయచేయుము హర హర శంభో||కై||

 అవసానపు  ఘడియలందు నాదుకొనంగన్ అభ్యర్ధనతో ముందె అందించు మనసు అందుకో శివ||కై||

నీదు వాహనంబు నంది నిదురమునిగెన కదలవద్దటంచు గంగ కట్టివేసెన||కై||

రానియట్టి హేతువేదొ రయము తెలుపుమ చేతనూతనొసగి

ఇష్టసిద్ధినీయుమ||కై||

చిత్తమందు నిలిపి సదా సేవ చేయునీ చిలకమర్తి సూరద్విజుని చేర్చుకోదరిన్||కై||