శ్రీ సత్యనారాయణస్వామి వ్రతము (పద్యకథనము ) చిలకమర్తి వేంకటసూర్యనారాయణ - ఐదవ కథ

శ్రీ సత్యనారాయణస్వామి వ్రతము

(పద్యకథనము )

చిలకమర్తి వేంకటసూర్యనారాయణ

                                  ఐదవ కథ

126. తే .గీ ||   సూతుడటు కథ ముగియించ, భూతలాన

                   పూతమై యెసగు ప్రసాదమును త్యజించి

                   కష్టములపాల యినవారు కలరె యింక?

                   అని  మునులడుగన్ సూతమహర్షి  పలికె

127. కం|| మిక్కిలి ఫలితము నిచ్చెడు

             చక్కని కథనొకటి మీదు సందేహముపోన్

            గ్రక్కున దెలిపెడ మీరలు

           మక్కువతో వినుడటంచు మాన్యుడు బలికెన్

128. కం|| తుoగధ్వజుడనియెడు నృప

              పుoగవుడొకనాడరణ్యమున వేటకును

              ప్పొంగుచుజనె వలసిన సే

              నంగొని యనువైన సాధనంబుల తోడన్

129. సీ|| వివిధమృగంబుల వేటాడి వేసరి ,

                      మెండుగా కాసెడు నెండ నలసి

           శ్రమదీరుటకు (దాన సైన్యాల వీడ్కొని

                   విపులవృక్షఛ్చాయవిశ్రమించి

          కొలదిదూరంబున గొల్లలందరు గూడి

                  సత్యవ్రతంబును సలుపుచుండ

        కనుగొనియున్ దన ఘనత తరుగునంచు 

              గర్వముతో రాజు కదలకున్న

తే.గీ || తత్ప్రభుని ముందట ప్రసాదమతి గౌర

         వముగ నా పేదలుoచి దేవ! గయికొనరె

        యంచు ప్రార్థించి చన , వారి నతినికృష్ట

         జాతి వారంచు గర్హించె జనవిభుoడు

1౩1. ఆ. వె||  హీనకులజులిచ్చె నిది యని ద్వేషించి

                తూలనాడి దాని త్రోసి వైచె

               తీవ్రకోపమునను దిగ్గున తా లేచి

               తురగ మెక్కివేగ పురము చేరె

1౩2. తే. గీ ||   కోటగుమ్మంబు వద్దను కూలబడిన

                  సేవకుల గాంచి మదిలోన చింత (జెంది

                  సత్వరంబుగ లోనికి జని  యతండు

                  యన్నిమూలల త్వరితుడై యరసి నంత

133.  కం||  ఎచ్చటి వారచ్చటనే

               చచ్చిన గతినుండ నృపతిచంద్రుని మదియున్

               నొచ్చెను, దు:ఖము మ్రింగుచు

               హెచ్చుగ యోచిoపసాగె హేతువు కొఱకై

1౩౩. తే.గీ|| గతము గూర్చియ తా కలగన్నయట్లు

               మనము నందు నిలిచె  తన యనుచితములు      

               చేష్టలు , యహంకృతియు నంత చిoతపడుచు

               తల్లడిలి  వేగమే  పోయి గొల్లలదరి

               జరిగినట్టి విధంమును నెరుక పరుప

    

        135.కం || గొల్లలు పలికిన సూక్తుల

                      నెల్లను విని దాన సత్యమెరిగి నృపాలుం

                      డుల్లము రంజిల తానును

                      చల్లగ జరిపించె నచట సత్యవ్రతమున్

1౩6.కం || ఏతద్వ్రతమహిమన్ భూ

             నేత సకల భాగ్యభోగనిచయముగని సం

             ప్రీతి నిహమందు పరమం

            దాతతసౌఖ్యంబునందె హరికృపవలనన్       

1౩7.  కం || దీనికి మిoచిన వ్రతమును

               కానము వేరొక్కటెపుడు కలియుగమందున్

               నానారూపధరుండై

               మానవులను బ్రోచు నెపుడు మాధవునుచున్  

1౩8.  తే.గీ || స్వామి సత్యనారాయణ వ్రతవిధి కథ

                సర్వమును సూతుడు శ్రవణపర్వముగను

               శౌనకాదులకు దెలిపి స్వస్తి జెప్ప

              శాంతి శుభమoచు మునులును సంతసిలిరి

ఫలశ్రుతి

              1౩9.కం ||  ఈ కథ వినినన్ , చదివిన

                            ప్రాకటముగ వ్రతము సలుపు ఫలమొనగూడున్

 శ్రీకాంతాప్రియుడాదృతి

            వైకుoఠప్రాప్తి భక్తవరులకొసoగున్

సర్వము సoపూర్ణము

శ్రీ సత్యదేవార్పణమస్తు

మంగళం మహత్

శుభం భూయాత్

ఓo

శాంతి: శాంతి: శాంతి:

*****