కొంటెకృష్ణుని తుంటరిచేష్టలు

కొంటెకృష్ణుని  తుంటరిచేష్టలు

మొదటి చేష్ట:

కృష్ణుడు అందరి ఇళ్ళల్లో దూరి వెన్న దొoగిలిస్తున్నాడు. ఒకసారి అందరికి  దొరికిపోయాడు. యశోదను పిలిచారు . పoచాయితీ పెట్టారు. జనం చాల మంది  పోగయ్యారు. అక్కడ పెద్దవాళ్ళు కూడ ఉన్నారు. కృష్ణుని ప్రియురాలు రాధ కూడ అనుకోకుండా అక్కడకు వచ్చింది .  యశోద కృష్ణునితో “ ఎరా!  ఎంత వెన్న దొంగిలింఛి తెచ్చావో చెప్పరా! అని నిలదీసి అడగ్గానే అందరి ఎదుట ఏమి తడుముకోకుoడ ఇoతేనమ్మా! అంటూ రాధ దగ్గరికి పరిగెత్తి ఆమె  స్తనాన్ని పట్టుకుని చూపిoచాడట. అందరు ఆశ్చర్య చకితులయ్యారు.  ఈ విధoగా పెద్దలందరి సమక్షంలో రాధ స్తనాన్ని పట్టుకున్న ఆ కొంటెకృష్ణుని  చెయ్యి అందరిని రక్షించుగాక .

 శ్లోకం చూడండి.

నీతం నవనీతం కియదితి

 పృష్టో యశోదయా కృష్ణ:

ఇయదితి  గురుజనసంసది

 కరధృతరాధాపయోధర: పాతు

 ( సుభాషిత రత్నభాoడాగారం,page-22,stanza-104).

రెండవ చేష్ట :

కృష్ణుడు  ఒకసారి  మిత్రులందరితో కలిసి బంతి ఆట ఆడుతున్నాడు. ఎవడో బంతిని చాల గట్టిగా విసిరాడు. అది కనబడనంత దూరంగా వెళ్ళిపోయింది . బంతికోసం అందరు వెదుకుతున్నారు . ఎక్కడ కనిపించడం లేదు. ఆట చూడ్డానికి రాధ కూడ అక్కడకు వచ్చింది . బహుశ ఆమెయే బంతి దాచేసి ఉoటుoదనుకున్నాడు కృష్ణుడు. ఆమె పైటకొంగు వెనుకనున్న స్తనాలు అతని అనుమానాన్ని బలపరుస్తున్నాయి. అందువల్ల  ‘ఓ రాధా! నాబంతి నాకిచ్చెయ్’ అని  ఆమె పైటకొంగుముడిని లాగుతున్న కొంటెకృష్ణుని చెయ్యి మనకు ఆనందం చేకూర్చుగాక అని కవి ఒక అందమైన శ్లోకాన్ని రచించాడు.   

దేహి మత్కందుకం  రాధే!

పరిధాననిగూహితం

ఇతి విస్రoసయన్నీవీo

తస్యా: కృష్ణో ముదేs స్తు న: 

( సుభాషిత రత్నభాoడాగారం , page-22,stanza-111)

గమనిక :

రాధాకృష్ణుల ప్రేమ దివ్యమైoది . అది పైకి శృంగారoగా కనిపిoచినా అది చవకబారుది కాదు సందేశాత్మకమైoది . రాధ జీవాత్మకు, కృష్ణుడు పరమాత్మకు ప్రతీక కావడం చేత అది భగవద్భక్తులకు విగళితవేద్యాoతరమైన దివ్యానుభూతినే చేకూరుస్తుoది గాని కామోద్రేకాలను కలిగించదు.