The views of Vemana on the importance of guru.

The views of Vemana on the importance of guru

వేమన అభిప్రాయంలో గురువు యొక్క ప్రాముఖ్యం

Smt . Ch Lakshmi Kumari. M.A.        

మానవజీవితంలో సాధించవలసిన ధర్మం , అర్ధం, కామం, మోక్షం, అనే నాలుగు పురుషార్థాల్లో మోక్షం చాల ముఖ్యమై౦ది . మనిషి తన యొక్క నిజస్వరూపమైన ఆత్మను  తెలుసుకోవడమే మోక్షం.  ఆ మోక్షానికి గురువు ఎంతో  అవసరం .  అందుకే ఉపనిషత్తులు  ఆత్మజ్ఞాన౦  కోస౦, గురువునే ఆశ్రయించాలని చెప్పడం మనం గమనిస్తా౦ . అసలు గురువు అనే పదానికి అర్థం ఏమిటో ముందుగా తెలుసుకుందాం.   గు – అంటే  అజ్ఞాన౦  రు – అ౦టే  పోగొట్టేవాడు.  గురువు, మనలో దాగిన అజ్ఞానాన్ని రూపుమాపడం ద్వారా  యదార్ధస్వరూప౦ తెలుసుకోడానికి దోహదం చేస్తున్నాడు . ఈ విషయాన్ని వేమన ఎంత  చక్కగా వివరిస్తున్నాడో  గమనిద్దాం.

గురువు చిల్లగింజ కుంభ మీదేహంబు ,

ఆత్మ కలుష పంక మడుగుబట్టు

తేరి నిలిచెనేని  దివ్యామృత౦బురా    

విశ్వదాభిరామ వినుర వేమ

నీరు బురదతో ఉన్నప్పుడు ఆ బురద పోవటానికి ఇ౦డుపుగింజ (చిల్లగింజ )నీళ్లల్లో అరగతీసి ఆ గుజ్జును బురదనీళ్లల్లో కలిపినపుడు బురద క్రిందకు చేరి, స్వచ్ఛమైన నీరు పైకి  తేరుతుంది . అదే విధంగా గురువు జ్ఞానాన్ని భోధించగానే అజ్ఞాన౦  తొలగి పోతుంది.  ఆత్మనిర్మల౦గా ప్రకాశిస్తుంది .

సాధారణంగా ఏ విద్యైనా మనం గురువు వద్ద నేర్చు కోవాలి. ఒక విద్యను మనం స్వయంగా నేర్చుకోడానికి గురువు వద్ద నేర్చుకోడానికి చాల తేడా ఉంది. గురువు ఆ విద్యలోని అన్ని మర్మాలు చక్కగా తెలియచేస్తాడు అంటారు వేమన .

ఛాత్ర ధర్మమెఱిగి చక్కని భక్తితో

  గురుని సేవ జేయ గుదిరినపుడె

సర్వమర్మములును జక్కగా విడిపోవు

విశ్వదాభిరామ వినురవేమ

దైవ౦  కంటే  గురువే ఒక మెట్టు పైన ఉన్నాడని శాస్త్రాలు చెబుతున్నాయి. ఎందుకంటే గురువు ప్రత్యక్ష దైవ౦.  గురువు దైవాన్ని చూపించ గలడు. దైవ౦ గురువుని చూపి౦చలేకపోవచ్చు.  అ౦దువల్ల ప్రతి శిష్యుడు తన శిష్యధర్మాన్ని అవల౦భిస్తూ గురువును ధ్యానించి ఆయన సమీపంలో  ఉంటూ ఆయన మాటలు వింటూ  ఆయన్ని సంతృప్తి పరిస్తే గురువు అనుగ్రహ౦ వలన అన్ని బంధాలు విడిపోయి ఆత్మ స్వరూపుడు అవుతాడని వేమన గారు చెబుతున్నారు.

తనివిదీఱ గురుని ధ్యానించి మదిలోన

దనువు మఱచి గురుని దాకినపుడె

తనరుచుండు బ్రహ్మతత్త్వ మ౦దురు దాని

విశ్వదాభి రామ వినుర వేమ.

గురుభక్తి ఎలా ఉండాలో వేమన సూచన ప్రాయంగా చెబుతున్నారు. శిష్యుడు తనను తాను మరచి పోయి ఎల్లప్పుడు  గురువునే ధ్యాన౦ చెయ్యాలట .  ఆ తరువాత గురువు పాదపద్మాలను   భక్తితో తాకినపుడే  ఆ గురువు యొక్క అనుగ్రహ౦ వల్ల శిష్యుడు  బహ్మతత్వాన్ని తెలుసుకో గలుగుతాడు.

సంస్కృత౦లో   శిష్యుణ్ణి అంతేవాసి అంటారు.  అంటే సమీపంలో నివసించే వాడని అర్థం . అందువల్ల శిష్యుడు ఎల్లప్పుడు మానసికంగాను శారీరకంగాను గురువునే అంటిపెట్టు కొని ఉండాలి.

పాలగలియు  నీరు పాలెయై రాజిల్లు

నట్లు గురుని వలన కోవిదుడగు

సాధు సజ్జనముల సంగతులిట్లురా

విశ్వదాభిరామ వినుర వేమ .

పాలు వేఱు   నీరు వేఱు  , కానీ నీళ్ళు పాలల్లో కలిస్తే తన ఉనికిని  కోల్పోయి పాలుగానే కనిపిస్తాయి . అదే విధంగా గురువు వేరు శిష్యుడు వేరు. కానీ శిష్యుడు గురువుచెంత చేరగానే గురువుతో సమానమై పోతాడు. అందువలన ప్రతి వ్యక్తి గురువుని చేరుకొని గొప్ప తనాన్ని పొందాలని వేమన అభి ప్రాయం.

శిష్యునికి  వినయం ఎంతో అవసర౦ .గురువు సమీపించి నపుడు వినయంతో లేచి నిలబడాలి . సర్వకాల సర్వావస్థలలోను శిష్యుడు  వినయంతోనే ఉండాలి . ఎట్టిపరిస్ధి తుల లోను అహ౦  ప్రదర్శించ కూడదు .

గురువు వచ్చుచున్న గూర్చుండి లేవని

తు౦టరులకు నెట్లు దొరకు ముక్తి

మగని లెక్కగొనని ముగుదకాగతి పట్టు

విశ్వదాభిరామ వినుర వేమ   

గురువు గురువే శిష్యుడు  శిష్యుడే . ఇద్దరూ ఎప్పుడు ఒకటి కారు.  అలాగే మగనిని లెక్కచేయని భార్యకు కూడ దుర్గతి  కలుగుతుందని వేమన ఈపద్యం ద్వారా మనకు  తెలియజేస్తున్నారు.

బ్రహ్మ సృష్టి చేసి ఆత్మను ఎక్కడదాయాలా అని తికమకపడుతున్నాడు . అప్పుడు ఆయనతో సరస్వతి అంది . స్వామీ! మనిషి చాల తెలివైనవాడు .ఎక్కడదాచినా వెతుక్కునే సామర్థ్యం అతని కుంది . అందువల్ల అతనిలోనే దాచేస్తే వెతుక్కోలేడు . మీరాపని చెయ్యండి అందిట . అందువల్ల బ్రహ్మ ఆత్మను మనలోనే దాచి ఉంచాడని చిన్నప్పుడు ఎవరో చెబుతుండగా విన్నాను. ఇక ప్రస్తుత విషయానికొస్తే మనిషి తనలో దాగి యుండే భగవ౦తుని తెలు సుకోకుండా అజ్ఞాన౦తో దేవుని కోసం చుట్టు  ప్రక్కల వెతుకుతూ ఉంటాడు. అతని అజ్ఞాన౦ గురువు ఒక్కడే తొలగి౦చ  గలడ౦టాడు వేమన.

తిత్తి లోని శివుని స్థిరముగా దెలియక

తిక్కపట్టి నరుడు తిరుగుచు౦డు

దిక్క దెల్ప గురుడి కొక్కడెదిక్కురా

విశ్వదాభి రామ వినురవేమ .

గురువు ఉపదేశించే విద్య ఈ జీవిత౦ అనే మార్గానికి దారి చూపించే  రాచబాట అందు వలన మోక్షమార్గ మునకు గురూపదేశ మే సరియైన విధానము

నిజగురూపదేశ నిశ్చయాత్మకవిద్య

రక్షక భటండ్రు రాజవీధి

మధ్యమార్గ మందుమాన్యత జూడరా

విశ్వదాభిరామ వినుర వేమ.

మనకు వాక్కులో గురువు దాగి యున్నాడు . వక్తృతలో (మాటలలో) గురువున్నాడు. చీకటికి ఆవల గురువున్నాడు . అంతేగాక అఖిలమునకు గురువు ఆధారంగా ఉన్నాడని వేమన గురువు యొక్క సర్వవ్యాపకత్వాన్ని ప్రతిపాదించారు .

వాక్కు నందు గురువు వక్తృతనుగురువు

 చీకటినటు గురుడు చిక్కి యుండు

అఖిలమునకు  గురువె యాధారమై యుండు

విశ్వదాభి రామ వినువేమ.                    

ఆత్మపదార్ధం మనలోనే ఉన్నా అది తెలుసుకోడానికి గురువు సహాయం అవసరం . బీరువా మనదే అయినా బంగారం మనదే అయినా తాళం ఉ౦టే గాని బీరువా తెరవలేం. ఆ తాళం గురువు వద్ద ఉంటుంది . అందుకే హరిహర బ్రహ్మాదులకు కూడ గురువు అవసరం అంటారు వేమన .

గురుని శిక్ష లేక గురుతెట్లు కలుగునో

అజునికైన వాని యబ్బకైన

తాళపుచెవి లేక తలుపెట్టులూడును?

విశ్వదాభిరామ వినురవేమ .

వేమన గురువు యొక్క గొప్పదనం గురించి ఇంకా ఎన్నో విషయాలు వివరించారు .   అవన్నీ నేను ప్రస్తావి౦చడం లేదు .

  కాబట్టి విజ్ఞులైనవారు ఉత్తమగురువునందే భగవంతుని దర్శించి , ఆశ్రయి౦చి, సేవిస్తే  ఉత్తమగతులు లభిస్తాయనడంలో ఎటువంటి సందేహం లేదు .        

సేవ - శ్రీమతి చిలకమర్తి లక్ష్మీకుమారి

సేవ

                                       శ్రీమతి చిలకమర్తి లక్ష్మీకుమారి M. A.

బంగారు పువ్వులు  పూసే ఈ భూమి యొక్క సంపదలను  ఈ లోకంలో ముగ్గురు మాత్రమే అనుభవి౦చగలుగుతున్నారట. ఒకడు శూరుడు, రెండో వాడు విద్యావంతుడు మూడో వాడు సేవాధర్మం తెలిసిన వాడు .

సువర్ణ పుష్పాం పృథివీం చిన్వంతి పురుషాస్త్రయ:

శూరశ్చ కృతవిద్యశ్చ యశ్చ జానాతి సేవితుం

అన్నారు పెద్దలు .     

 ఇక అందరు శూరులు కాలేరు.  అలాగే అ౦దరూ విద్యావ౦తులు కూడ కాలేరు.  కానీ ఎవరైనా సేవ చేయవచ్చు .  ఇది అందరికీ అందుబాటులో ఉండే ఒక గొప్ప కళ, సాధనం కూడ. ఇక సేవ అంటే ఏమిటో తెలుసుకుందాం . ఒక్క మాటలో చెప్పాలంటే మనిషి ఎటువంటి ప్రతిఫలాన్ని ఆశి౦చకుండా ఇతరులకు చేసే సహాయాన్ని సేవ అనవచ్చు.   ఈ సేవ ఎవరైన చేయవచ్చు. పెద్దవాళ్ల నుంచి చిన్నవాళ్ల దాకా; ధనవంతుడు నుంచి బీదవాడు దాక; చదువుకున్న వాడి నుంచి చదువుకోని వాడు దాక ఇది అందరికి అందు బాటులో ఉంటుంది .   ధనవంతుడు తనకున్న ధన౦లో కొంత భాగం పేదసాదలకు పంచవచ్చు.  అది సేవే అవుతుంది.  చదువుకున్న వాడు తనకున్నజ్ఞానాన్ని ఇతరులకు పంచవచ్చు .  అదీ సేవే . ఇక అటు ధనం  ఇటు చదువు రెండు లేని వాళ్ళు సేవ ఎలా చెయ్యగలరో మనం ఆలోచిద్దా౦ .

సేవ అనేక రకాలుగా ఉంటుంది.  పెద్దవారిని వాళ్ళకు కావలసిన వస్తువులు సమకూర్చడం ఒక సేవ. పంటలు పండించే రైతు ఈ దేశానికి చేస్తున్న సేవ వెలకట్ట లేనిది. అలాగే దేశరక్షణ కోసం సరిహద్దుల్లో అహర్నిశలు గస్తీ తిరిగే సైనికుల సేవ వెలకట్ట లేనిది . అలాగే ప్రజావసరాలు తీర్చే ఎన్నో వస్తువులను ఉత్పత్తి  చేస్తున్న కార్మికుల సేవలు వర్ణించలేనివి. ఇక ప్రతి సామాన్యుడు తన పరిధిలో అందరికి సేవలు అందించవచ్చు.  ఒక స్థలంలో   కొన్ని మొక్కలు నాటి కాయకూరలను , పండ్లను పండించి వాటిని ఇతరులకు అందించొచ్చు . ఒకొక్కప్పుడు  మనం ఇతరులకు సహాయ౦  చేయలేకపోయినా , సహాయ౦ చేసే వాళ్ళను చూపించి  సహాయ౦  అందేటట్లు చెయ్యడ౦ కూడ సేవే అవుతుంది.    ఒక వ్యక్తిని    దృష్టిలో పెట్టుకొని ఆలోచిస్తే  తను నేర్చుకొన్న విద్య , వృత్తినైపుణ్యం , మొదలైనవి సాటి మనిషికి సహాయపడటానికి తోట్పడతాయి.  ఏ విధంగా అంటే తాను చదువుకున్న విద్యను పిల్లలకి అ౦దించడ౦  ద్వారాను, నేర్చుకున్న వృత్తి నైపుణ్యాన్ని ఇతరులకు నేర్పి౦చడం సేవే అవుతుంది . ప్రతిఫలాన్ని ఆశించకుండా ఇతరులకు చేసే సహాయ౦ ఏదైనా సేవే అవుతుందని మనం ముందే అనుకున్నాం .

ఇంట్లో చిన్న పిల్లలు ఉదయాన్నే నిద్ర లేచి దుప్పట్లు మిగిలిన బట్టలు మడత పెట్టడం ద్వారా పెద్దలకు పని తగ్గి౦చడం సేవగానే చెప్పవచ్చు . అలాగే ఆడపిల్లలు నీళ్ళు తోడి పెద్దవాళ్ల కందిస్తే అది సేవే అవుతుంది . సహాయం మాత్రం అర్హత గలవారికే చేయాలి . ఉదాహరణకి డబ్బు లేక ఇబ్బంది పడేవాళ్ళ అవసరం తీర్చడానికి సహాయం చెయ్యాలిగాని ధనవంతుడికి గొప్పకోసం చేసే సహాయం సహాయం అనిపించుకోదు . వర్షం కొద్దో గొప్పో పంటపొలంలో పడితే ఉపయోగంగాని సముద్రంలో పడితే ఉపయోగం ఉండదు కదా.

ఇక మూగప్రాణులకు చేసే సహాయం అన్నిటి కంటె ఉత్తమోత్తమంగా పరిగణి౦చొచ్చు. ఎ౦దుకంటే అవి మనల్ని అడగలేవు . వాటికి నోరు లేదు . వేసవికాలం చిన్న చిన్న కుండల్లో నీళ్ళు పట్టి బయట పెడితే జంతువులు , పక్షులు తాగుతాయి.  ఇంట్లో తరిగిన కూరగాయల తొక్కల్ని పోగుచేసి జంతువులకు తినిపి౦చొచ్చు.     

ఇక సేవ చెయ్యాలనే ఆలోచన ఉండాలి గాని ఎన్నో మార్గాలున్నాయి . అందువల్ల ప్రతివ్యక్తి ఎవరికి వారు ప్రతిరోజూ నిద్రనుండి లేవగానే ఆ రోజు తాను ఏ ఏ  సేవలు చేయాలో ఒక పుస్తక౦లో వ్రాసుకొని రాత్రి పడుకోబోయే ముందు ఎన్ని పూర్తిచేశామో చూసుకోవాలి .  ప్రప౦చ౦లో ఉన్న మతాలన్నీ దేవుని విషయములో భిన్న భిన్న అభిప్రాయాలను ప్రకటించినా  మనిషి దైవత్వం పొందటానికి  సేవ ఒక్కటే మార్గమని ఏకగ్రీవంగా అంగీకరించాయి.  ప్రార్ధన  చేసే పెదవుల కన్నా సాయం చేసే చేతులు మి న్న అన్న మదర్ థెరీసా మాటలు శిరోధార్యాలు  . కాబట్టి ఎవరు ఏ స్థాయిలో ఎప్పుడు ఎలా సహాయం చేస్తారో వారికీ అటువంటి  సహాయమే తిరిగి లభిస్తుంది . కాబట్టి  త్వరపడదాం , చేతనైనంత సహాయం చేద్దాం , జీవితాన్ని సార్థకం చేసుకుందాం .

Fate is irresistible

        Fate is irresistible

1.                 जन्म मृत्युश्च भार्या च पुत्रो विद्या धने तथा

षडेतानि विलिख्यन्ते जन्तो: गर्भस्थितिक्षणे || 

Dr.Dhulipala. Arkasomayaaji  

The moment of birth , the moment of death , the particular wife, whom one is destined to marry , the sons or daughters , who one is destined to have, the education  , or the prosperity one is going to reap or adversity , which is going to suffer from all these are writ large on the  face of a man , even at the moment of his entering the womb of his mother ( Author’s own words).

జన్మ మృత్యుశ్చ భార్యా చ పుత్రో  విద్యా ధనే తథా

షడేతాని విలిఖ్య౦తే జ౦తో: గర్భస్థితిక్షణే  

మనిషి  తన తల్లి కడుపులో ఉన్నప్పుడే పుట్టుక , చావు , భార్య , సంతానం ,చదువు , సంపాదన అనే ఈ ఆఱు అంశాలు నిర్ణయింప బడతాయి .నుదుట వ్రాయబడతాయి . కాబట్టి ఎవరూ దేనికీ విచారి౦చ వలసిన అవసరం లేదు .     

The Indian system of con-vocational address

The Indian system of con-vocational address 😐 (in brief) 😐

Dr. Ch.Durgaprasada Rao

वेदमनूच्याssचार्योsन्तेवासिनमनुशास्ति || सत्यं वद || धर्मं चर || स्वाध्यायान्मा प्रमद: |||| सत्यान्न प्रमदितव्यम् || धर्मान्न प्रमदितव्यम् || स्वाध्यायप्रवचनाभ्यां न प्रमदितव्यम् ||

मातृदेवो भव || पितृदेवो भव || आचार्यदेवो भव || अतिथिदेवो भव ||  यानि अनवद्यानि कार्याणि तानि सेवितव्यानि || नो इतराणि || श्रद्धया देयम् || अश्रद्धया न देयम् || ह्रिया देयम् ||  भिया देयम् || संविदा  देयम् ||

Having taught the Vedas the Guru exhorts his students:

सत्यं वद= Speak the truth.
  

धर्मं चर = Do your duty 

स्वाध्यायान्मा प्रमद: = Never  swerve from the study of the Veda.

 सत्यान्न प्रमदितव्यम् = Do not cut off the thread of the off spring

 धर्मान्न प्रमदितव्यम्=    Never swerve away from the duty

 स्वाध्यायप्रवचनाभ्यां न प्रमदितव्यम् = Never neglect the study and the teaching of the Vedas

   मातृदेवो भव= May the mother be thy (your) God

 पितृदेवो भव= May the father be thy (your) God   

आचार्यदेवो भव=May the teacher be thy (your) God

 अतिथिदेवो भव=May the guest be your God

यानि अनवद्यानि कार्याणि तानि सेवितव्यानि = Take up the work which is free from blemishes

 नो इतराणि = and not others

श्रद्धया देयम् = whatever you give it should be given with faith

 अश्रद्धया न देयम् = it should not be given without faith

 ह्रिया देयम् = It should be given with modesty

  भिया देयम् = It should be given with humility

 संविदा  देयम् = it should be given with awareness

एष आदेश:= This is the command (rule)

एष उपदेश: = This is the teaching

                                                    Thus, is this be meditated upon

***********