Try to find out the verb

      Try to find out the verb                              చెప్పుకో౦డి చూద్దాం

विराट नगरे रम्ये कीचकादुपकीचकम्

योsत्र क्रियापदं वक्ति दास्यामि हैमकङ्कणम् 

 ఒకసారి ఒక నగరంలో పండితసభ జరుగుతోంది . అధ్యక్షుడు  సభాసదుల్ని ఉద్దేశించి నేనొక వాక్యం చెబుతాను ఆ వాక్యంలో క్రియాపదం చెప్పండి, చెప్పిన వారికి ‘హైమకంకణం’ ఇస్తానని ప్రకటన చేశాడు . అందరు వాక్యం చెప్పమని కోరారు.

‘విరాటనగరే రమ్యే కీచకాదుపకీచకం’ అన్నాడు.

అందరు విన్నారు . క్రియాపదం ఎవరికీ దొరకలేదు. రమ్యే = అందమైన , విరాట నగరే= విరాట నగరంలో , కీచకాత్= కీచకుని నుండి , ఉపకీచకం = ఉపకీచకుని వరకు అనే అర్థమే వస్తోంది . ఎంత ఆలో చించినా క్రియా పదం ఆ వాక్యంలో కనిపించడం లేదు. కాని అధ్యక్షుని మాటల్లో క్రియాపదం చెప్పిన వారికి హైమకంకణం ( హేమం అంటే బంగారం , హైమం అంటే బంగారంతో చేసిన ) కంకణం కడియం బహుమతిగా ఉంది . కాబట్టి ఆ వాక్యంలో తప్పకుండా క్రియాపదం ఉండి  తీరుతుంది  అనుకున్నాడొకాయన. బుర్రకు పదును పెట్టాడు.  కొంత సేపటికి తట్టింది . ఇలా వివరించాడు .

రమ్యే = అందమైన; నగరే – నగర౦లో; కీచకాత్= కీచకం అంటే వెదురు ( bamboo) ఒక వెదురు పొదను౦డి ; ఉపకీచకం = సమీపంలోనున్న మరొక వెదురు పొదవరకు; వి: = పక్షి; ఆట = తిరిగెను .అందరు ఆనందంతో తప్పట్లు కొట్టారు. ఇక సభాధ్యక్షుడు బహుమతి ఇవ్వవలసిన సమయం ఆసన్నమై౦ది. ఆ  పండితుణ్ణి దగ్గరకు రమ్మన్నాడు . చల్లటి (మంచు) నీరు తెప్పించి నాలుగు చుక్కలు ఆ పండితునిపై చల్లేడు. ఆయన హతాశుడయ్యాడు . ఇదేంటి? అన్నాడు పండితుడు . అదే ఇదన్నాడు సభాధ్యక్షుడు. ఎలాగని ప్రశ్నించాడు పండితుడు . ఇలాగన్నాడు సభాధ్యక్షుడు. నేను హైమకంకణం ఇస్తానన్నాను. హిమం నుంచి వచ్చింది హైమం అంటే మంచు. క౦కణ౦ విషయానికొస్తే ‘కం’  అంటే నీరు. కణం అంటే బొట్టు లేక చుక్క. నేనన్నది ఒక్క చుక్కే కానీ నీపై చాల చిలకరి౦చానన్నాడు . సభాలోనున్న వారందరూ ఆయన తెలివికి ఆశ్చర్య చకితులై తప్పట్లు కొట్టారు . పండితుడికి లోపల కొంచెం బాధగానే ఉన్నా తప్పట్లు కొట్టక తప్పలేదు.   

               विराट नगरे रम्ये कीचकादुपकीचकम्

रम्ये= In  a beautiful  नगरे town  कीचकात् from a bamboo उपकीचकं to another bamboo वि: bird आट flew In a beautiful town a bird flew from one bamboo to another bamboo .