Tuesday, January 8, 2019

The Yoga Sutras of Patanjali -12, 13&14


        The Yoga Sutras of Patanjali -12, 13&14
                                           (పతంజలి యోగసూత్రములు)

Dr. Chilakamarthi Durgaprasada Rao


యోగమంటే చిత్తవృత్తులను అరికట్టడం అని ఇంతకు ముందు చెప్పుకున్నాం . అరికట్టే విధానాన్ని ఇప్పుడు చెబుతున్నాడు .

अभ्यासवैराग्याभ्यां  तन्निरोध:1.12. (అభ్యాసవైరాగ్యాభ్యాం తన్నిరోధ: )

तन्निरोध: = (చిత్తవృత్తి నిరోధ:) = చిత్త వృత్తులను నిరోధించడం

अभ्यासवैराग्याभ्यां = అభ్యాస వైరాగ్యముల చేత {సాధ్యపడును}
  
          భగవద్గీతలో అర్జునుడు కృష్ణునితో  ఓ కృష్ణా ! మనస్సు చాల చంచలమైనది . ప్రమాదకరమైనది , చాల దృఢమైనది , వాయువును నిరోధించడం ఎంత కష్టమో మనస్సును నిరోధించడం కూడఅంతే  కష్టం అని నాకనిపిస్తో౦ది  అంటాడు
చంచలం హి మన: కృష్ణ  ప్రమాధి బలవద్దృఢ౦
తస్యాహం నిగ్రహం మన్యే వాయోరివ సుదుష్కరం VI-33

 కృష్ణుడుఅర్జునుని అభిప్రాయాన్ని  కాదనలేదు పైగా అతని అభిప్రాయాన్ని సమర్థించాడు . నాయనా! నువ్వు చెప్పింది నిజమే . మనస్సు చంచలమై౦ది, దాన్ని అరికట్టడం చాల కష్టం . కాని అభ్యాస వైరాగ్యాలవల్ల అది సిద్ధిస్తుంది అంటాడు .
అసంశయం మహాబాహో! మనో దుర్నిగ్రహం చలం
అభ్యాసేన తు కౌ౦తేయ వైరాగ్యేణ చ గృహ్యతే 
VI-341
ఇప్పుడు అభ్యాసమంటే ఏంటో తెలుసుకుందాం .

13. तत्र स्थितौ यत्नो sभ्यास:

तत्र= అభ్యాస వైరాగ్యాలలో
अभ्यास: =అభ్యాసమనగా
स्थितौ= మనస్సును స్థిరంగా ఉ౦ చుటలో
  यत्न: = ప్రయత్నమే
ఇక్కడ మనస్సును స్థిరంగా ఉంచడం అంటే ఏ ఆలోచనా లేకుండా భావ శూన్యంగా ఉంచడం అని అర్థం . ఇక అది ఎలా ఉండాలో వివరంగా చెబుతున్నాడు .

1.14. तु दीर्घकालनैरन्तर्यसत्कारासेवितो दृढभूमि:
( తు దీర్ఘకాలనైరంతర్య సత్కారాసేవితో దృఢభూమి: )
तु = అది
दीर्घकालनैरन्तर्यसत्कारासेवित:
दृढभूमि: = స్థిరంగా ఉండును
చాల కాలం , నిరంతరం , తపస్సు మరియు బ్రహ్మచర్యం మొదలగు దీక్షలతో సేవి౦చబడినచో అది దృఢమగును .


No comments: