శ్రీ సత్యనారాయణస్వామి వ్రతము (పద్యకథనము) చిలకమర్తి వేంకటసూర్యనారాయణ రెండవ కథ

శ్రీ సత్యనారాయణస్వామి వ్రతము

(పద్యకథనము)

చిలకమర్తి వేంకటసూర్యనారాయణ 

రెండవ కథ

33.  కం || విని కథను శౌనకాదులు

             మనుజావళి కె ట్లు తెలిసె మాన్యమహర్షీ!

             ఘనమైన వ్రతవిధాన 

             మ్మన విని సూతుండు పలికె నానందమునన్ 

34. కం || నారాయణుడారీతిగ

              నారదునకు (దెల్పి పంప నయగతి( దానున్

              ధారుణినుపదేశింపగ

              వారాణసి జేరె వృద్ధవసుధామరుడై

35 . సీ || కాశికానగరాన  కడుబీదపాఱుడై

                     నట్టి శతానందుడనెడి వాడు

           సంతానమధికమై సతము చింతిల్లుచు  

                     బిడియంబు విడనాడి బిచ్చమెత్తి

           చాల కష్టిoచినన్ సంసారముసరిగ

                       పోషింప(జాలక  పొగులు వేళ

            విష్ణుదేవుడపుడు వీక్షింఛి పాఱుని

                      యార్తిని పోగొట్టి యతని బ్రోవ

తే.గీ||మోదమలరంగనాతని ముందు నిలిచి

      కుశలమడిగి , మిగులకూర్మి యెసక

      మెసగ వ్రతము దెలిపెడు నెడల విధులు

      తెలియబలికిన పిదప నదృశ్యుడయ్యె

36 . కం ||        అంతయునటు దెలిపిన హరి

                    యంతర్ధానంబునొంద,నావిప్రుండ

                    త్యంతానందము నొందుచు

                    నింతికి నెరిగింప( గోరి యింటికి నేగెన్

37 . ఆ.వె ||   జరిగినట్టి కథను సతికి నెరింగించి

                 సత్వరముగపూ జసలుపనెంఛి

                 గడియ యుగము గాగ ( గడపుచు నాఱేయి

                 వేగుజాము లేచి విప్రుడంత

38 కం||  సరగున శుచియై భక్తిన్

             పరమాత్ముని మదిదలంచి “భక్త ప్రియ! నీ

            కరుణను ధన మొదవినచో

            నెరపుదు   నీ వ్రతమువేడ్క  నిశ్చలభక్తిన్”

39 కం || అని మనమున (దలపోయుచు

            చనె విప్రుడు బిచ్చమెత్తి చాలగ ధనముల్

           గొని గృహము జేరి , తృప్తిన్

          మనమలరగ భక్తియుక్త మానసుడగుచున్

40  ఆ.వె || ఇంటి నుండి  వేగ నిల్లాలు తోడుగా

        గంగయొడ్డు జేరి , ఘనవ్రతంబు

       దీక్ష తోడ సప్తదినములు గావించి   

      భోగభాగ్యములను పొందె నతడు

41 కం|| అదిమొదలుగ నా బాపడు

           సదమలమగు భక్తి  తోడ సత్యవ్రతమున్

           విధిమై నెరపుచు, తరచుగ

           నధికంబగుసిరులు శుభములనన్నియు  పొందెన్

42  ఆ.వె. || విప్రుడొక్క నాడు వేదయుక్తంబుగ

              సత్యవ్రతము సల్పు సమయమందు 

                కట్టెలమ్ము పేద కడు దప్పికంగొని

              మోపు వీధి యరుగు ముందు దించి

43 కం||    తిన్నగ గడపకడ నిలిచి

             కన్నులకింపార పూజ (గాంచిన పిదపన్

             సన్నగ విప్రుని తోడను

             విన్నపముగ నిట్లు బలికె వినయంబొలుకన్

44 కం || సదమల హృదయా ! మీరలు

            విధిగా నొనరించు వ్రతము విను కోరిక  నా

            మదినుదయించెను ముదమున

            విధము నెఱి0గింపుడనుచు వేడెన్ పాఱున్

45, కం || వెను వెంటనె యా విప్రుడు

             కనికరముగ తద్వ్రతంబుగావించు విధుల్ 

            వినిపించి వాంఛితమ్ముల

            కనువుగ నీ వ్రతము సల్పుమంచు వచించెన్

46 . ఆ.వె || విప్రవర్యు వలన విధివిధానమెఱి౦గి

                   కట్టెలమ్మునట్టి  కాపు తాను

                  గృహము జేరి యంత గృహిణికి నెఱి౦గింఛి

                  వ్రతము సలుపనతడు ప్రతిన బూనె

   47. కం || మరుదినమున నుదయంబున

                శిరమున మోపెత్తుకొనుచు చిత్తంబున ని

                ట్లరసెను “ అమ్మగ వచ్చెడి

                   వరధనమును వ్రాతము కొఱకె వ్యయమొనరింతున్”

48. ఆ .వె || అనుచు తలచి యాతడత్యంత భక్తితో

                కట్టెలన్ని యమ్మె క్షణములోన

                అమ్మకమ్ము వలననధికమౌ పైకమ్ము

               నింపుగ సమకూడనిల్లు (జేరె

49. సీ|| కాపు తా భక్తితో ఘనముగా వ్రతమును

                 గావించి, క్రమమున కథనెఱి౦గి

            ఇలవేల్పుగా స్వామి నింటను నెలకొల్పి

                   శాంతిసౌభాగ్యవిస్ఫారుడగుచు

            ధనవంతుడై తాను  ధాత్రిని వెలుగొంది

                    యాయురారోగ్యసౌఖ్యమ్ములంది

           పుత్రపౌత్రాది సంపూర్ణ సంపదలెప్డు

                   తోరంబులై తులతూగు చుండ

ఆ.వె || ఇహమునందు తనయభీష్టముల్నెరవేర

           యర్థిజనులకెల్ల నార్తి బాపి

           గొప్ప కీర్తితోడ కొనియాడబడుచుండి

           పరమునందు విష్ణుపథము చేరె

రెండవకథ సంపూర్ణం

*****