4. యజుర్వేదంలో అద్వైతభావాలు

 

4. యజుర్వేదంలో అద్వైతభావాలు

(శ్రీ శంకరకింకరులు)

అనువాదం :- డాక్టర్ . చిలకమర్తి దుర్గాప్రసాదరావు 

 యజుర్వేదం నూట ఒక్క శాఖలు (1౦1) గా విభజింపబడింది. ఇది   దక్షిణభారతదేశంలో  చాల ప్రచారంలో ఉంది . యజుర్వేదానికి సంబంధించిన తైత్తిరీయోపనిషత్తులోను, కర్మకాండకు సంబంధించినటువంటి మరికొన్ని చోటు లందు అద్వైతసిద్దాంతవిషయాలు ఎన్నో  కనిపిస్తున్నాయి.

“ భగవంతుడు ఈ ప్రపంచాన్ని సృష్టించి తానే స్వయంగా ప్రవేశించాడు”  అని తైత్తిరీయోపనిషత్తు చెపుతోంది .(తైత్తిరీయ ఉపనిషత్తు)

 సూర్యునిలో ఉన్న ఆ పరమాత్మ, నీలో ఉన్న ఆ పరమాత్మ ఇద్దరు ఒకటేనని  తైత్తిరీయ ఉపనిషత్తు చెపుతోంది.  పరమేశ్వరుడే మనకు తండ్రియని, అతడే రక్షకుడని, తన నుంచే నామరూపాత్మకమైన  ఈ ప్రపంచం సృష్టించాడని, తానే అనేక దేవతారూపాలతో ఉన్నాడని,  ఈ ప్రపంచమంతా ఆయనలోనే దాగి ఉందని తైత్తిరీయసంహిత వివరించింది. ఈ ప్రపంచానికి సృష్టికర్తయైన భగవంతుని నువ్వు తెలుసుకోలేవని , అతనికి నీకు మధ్య మాయ అనే మంచుపొర ఉందని మానవులు మాయ అనే మంచుతెర ముసుగులో సుఖం అనుభవిస్తూ, ఆనందిస్తున్నారని వివరిస్తోంది.

                                             >*<>*<*><*><